عمرو مصطفى يبعث رسالة إلى “جدو”: “هفضحك وهنجح.. والجاي أصعب”
وكتب مصطفى (43 عاماً) عبر حسابه الرسمي على موقع التواصل الاجتماعي فيسبوك: “رسالة لجدو.. هتبعت ناس ولجان تشتم على الصفحة ولا هيهز شعرة مني، فلوس بترميها في الأرض”.
وأضاف: “هتبعت ناس تقول صوته وحش ملكش دعوة أنا هغني وصوتي وحش.. هتروح تخلي ناس تسرب الأغاني هطلع أفضحك وساعتها هتكون نهايتك بجد”.
وتابع: “هتجيب عيال بفلوس تعمل فيديوهات إن الأغاني وحشة هتنجح غصب عنك لأنها من القلب.. هتقول فين المشاهدات هقولك ملكش دعوة أنا بعمل الأغاني لنفسي ومش هدفع فلوس زيّك يا جدو علشان الناس تشوفني، 100.000 على الفيسبوك بشرف أحسن من ملايين مزيفين يا جدو”.
واختتم الملحن المصري رسالته قائلاً: “في الآخر اتقل علشان الجاي صعب، نسيت إنك بعت ناس للموزعين اللي بشتغل معاهم في الخارج علشان أنت قلودة قوي.. بس لما تنزل معاهم هفضحك عادي”.
وخمّنت غالبية التعليقات التي تفاعلت مع التدوينة وتجاوزت 1500 تعليق في أقل ساعتين، أن يكون الشخص المقصود بالرسالة هو المطرب المصري عمرو دياب.
